Lupljenje kuruze vam se po domaći zove – lupitva.
Za bile kakef posel v Zagorju, nigdar nije teške najti prave težake jer jeni drugem radi pomažeme. Babice su govorile kak su tuo negdar muorale hoditi po težačkem delu da si neke zaslužiju. Moja babica još dijen denes pripovijeda : “Jooj sinek, to su ti bila najljepša vremena… Težaki su došli k gazde pa skup z njim i kolima išli na njivu uz veselu pesmu . Jen dijel težakov je bral kuruzu s košima, drugi rasipal z kuošof v kola, a trejti su serpima mam sekli kuruznicu. Snehe su priredile domaće štruklje z šterami su se počastili težaki na njive. Kad se napravil posel na njive, krenula je lupitva. Kuruza se lupila doma pri gazde v hiže ili štale. Kak su se težaki lijepe rasporedili na njive, tak su morali imati dober plan i doma. Puce su s kuruze trgale lupinje, a muži su nosili van lupinje i klasje metali na najže (*tavan) da se lijepe pomalu suši. Lupinje se nije metale, nek se to davale kravicam i volem , a dijel kuruze šteri nije bil dober se zružđil se davale svinjam . Bijela domaća kuruza se vezala v maže i deli bi ju van da se suši. Tak zvezana kuruza bila je ukras v hiže, a kad se kuruza poslušila, zružđila se i samljela pa su ženske z bijele domaće kuruze napravile kuruzni kruh. Poklje lupitve vse se je morale ščistiti i vernuti na meste, a unda se je donesle jele na stol. Bile vam je tu sega – sami zagorski specijaliteti: mese z banjice , domaći kuruzni štruklji, kuglov, a unda su bormec došli i mužikaši pa se je društve zadržale i ljepe podružile daljeke v noć.
